گرفتار

هــر قـدری کـــه مـن ائیلییرم یــاره محبت

اُولقَــدری دونــور ائیلیـیـر اغیـــاره محبـت

بلبل ائـلییر غنچــه گلــه مهـــر و وفــاسیـن

دردا  ائلییر  غنچه گلــی  ،  خــاره  محبـت

کس کــه منی بیــر ثانیه ده ائتـدی گرفتـار

اینــدی ائـلیـیـر آیــری گـرفتـــاره محبـت

بـو رسمیدی ، عاشیق اولا گر یـاره وفـادار

معشـوق  ائلـَمَــز  یـــار  وفـــاداره  محبـت

مـن هیجریده هشیـار و یـاریـم مستِ رقیبلر

یا رب نه اولار مست ائده هشیاره محبت ؟!

هیجران منـی گوندَردی غـم و درد و بلایـه

ای کــاش کــه پرستــار ائده بیمـاره محبت

زنــدانِ غـم ایچرینده مـعیـن ، زار و اسیـرم

آزاده وار ائتسیـن بــو گرفتـــاره محبـت ؟!

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *