کربلایه باخ

گَل چهره ی حسینده جمال خدایه باخ
بیر یا حسین دِئنه ، اوره گینده صفایه باخ
عالم حسینینن اوقَدَر آشنادی که
باخماقجا اولدوزا ، دِئدیلر آشنایه باخ
هر کیم حسینه عاشیق اولوب ، جان ائدیب فدا
بیر معشوقون وصالی یولوندا ، وفایه باخ
هیچ کس گِییتمییب قاپیسیندان امیدسیز
دردین گَتیر بو درگه مهره ، دوایه باخ
عطشان وئریبدی جانینی ، اسلامی ساخلاسین
عزّ و وفا و غیرته باخ ، ماجرایه باخ
بیر یئردن اوخ گَلیر ، گَلیری بیر طرفدن اود
گَل بوردا ای حسینی سِئون ، کربلایه باخ
جاوید اولوبدو کیمسه یازیبدور حسینه شعر
قورتار معین بو شعریوی سونرا بقایه باخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *