رقیـب وصلتـی ای گـول ، موبــارکیــن اولســون
چـوخ اینتظار چکیردیــم یـاریـم گلیــن اولســون
فـــدا سنیـن بـاشیــوا گــر یـانیــر منیــم اورگیــم
آمــان دی تـوی گئجه سی قلبیده غمیـن اولسـون
یوخ عیبــی اولــسـا منیم کامیم آیریلیقـدان آجـی
سنین گوروم کی همیشه کامیـن شیریــن اولسـون
یئتیــر سلامیمـی دامــاده ، یــاخشــی اوغـلانـدی
چیخـاتــدی دیلبریمـی الــدن ، آفـریــن اولسـون
منیم غــزل لریمـی یاخشــی یـاریمــا اوخـودون !
دا نئیله مک ، بودو قیسمت کی یار سنین اولسـون
گنــاه اوزومده دی کــی عشقـی ائیله دیـم ابــراز
دئییردیلر منـه ای کــاش کـی لال دیلیـن اولسـون
اوگون کی وئردیم اورک نازلی یاره ، بولموردوم
بوجور بــو سئوگی منی یاندیریـب چتین اولسـون
مـعیـن ، یــار آیــریلیغینــدا جوانــلیغیــن گئتـدی
دا سئوگی بسدی سنـه ، اول آخیــریــن اولـسـون