خــزان اولوبــدو ، بــاهــاریم گئدیبدی تبریزدن
سوروشمــا هـاردادی یـاریم ، گئدیبدی تبریزدن
نـه وار سحرده قـراریـم نـه وار گئجـه م ده قــرار
گــوزل یــاریم لا ، قــراریــم گئدیبدی تبریزدن
سوروشدولار نه اولوبدور بوجور کاسیبلامیسان ؟
آمــان کــی دار و نــداریـم گئـدیبـدی تبریزدن
دیـاریمیزدا ، دا یـوخ سس ، یاریم گئدن گوندن
نــوالـی سئـوملــی تــاریــم گئدیبـدی تبریـزدن
اینــانمیرام داهــا بیــر کـس منــه وفــا ائله سیـن
مــعیــن ، قــرار و مــداریـم گئـدیبدی تبریزدن