کاسیب اوغلان

هــر قــدریده اولســا اورگیـن حــال و هواسی

دونیــانین ، اگــر اولماسا یاریــن ، نــه صفاسی

بیــر درده دوچــارم کـی طبیبی ائدیب عــاجیز

یاریــن باخیشینـدان سورا ، یـوخ آیـری دواسی

یاریــن باباسی مـن کاسیب اوغلانــه دئییبدیــر

وئــررم قیزیمـی پـوللــو اگــر اولســـا باباسـی

گئتدیــق یــارا ائلچـی ، واریــدی جمع لرینده

عمه ، عمی سی ، زن دایی سی ، بیرده خالاسی

رد ائیله دی مـن عــاشیقینـی بیــر باخیـش ایلـه

عرض ائیله دی بـو ایشلریمین ، یوخدو چراسی

اینــدی دولانیـردیــق ال اله شهنـــازی بـاهــم

بیــر ذرره اگــر یــاریمیـن اولسئیـدی وفــاسی

دای بسدی معین ، آز یاریـوین وصلینی آختـار

بـو وصله گـوزل سئوگیلیویـن یوخدو رضاسی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *